Bhagavat Gita
10.20
పవనః పవతామస్మి రామశ్శస్త్రభృతా మహం
{10.31}
రుషాణాం మకరశ్చాస్మి స్రోతమస్మి జాహ్నవీ
పవిత్రము చేయు వానిలో నేను వాయువును. ఆయుధ పాణులలో నేను శ్రీ రాముడను. చేపలలో నేను మొసలిని. నదులలో గంగానది నేనై యున్నాను.
వాయువుకు పరిశుద్ధము చేసే గుణముంది. గాలి దుమ్ము, ధూళి, కాలుష్యము, ఒకే చోట పేరుకు పోకుండా చేస్తుంది. కొందరు వాయువును ఒక దేవతగా కొలుస్తారు. వాయువు మంచి చెడు రెండూ చేయగలదు. చినూక్ అనే వేడి వాయువు అమెరికా లోని రాకీ పర్వతాలకు తూర్పున వీస్తుంది. దానిలో విచిత్రమేమిటంటే అది సీతా కాలంలో వస్తుంది. ఒకసారి మార్చ్ నెలలో మొ౦టానా అనే రాష్ట్రంలో 3 నిమిషాల్లో ఉష్ణోగ్రతను 31 డిగ్రీలు పెంచింది. చినూక్ వలన ఎన్నో సాధు జంతువులు చలికి వణికి మరణించకుండా ఉంటాయి. అలాగే హర్ మిటన్ అనే గాలి సహారా ఎడారి నుండి ఆఫ్రికా వైపు వీస్తుంది. దానికి కీళ్ల నొప్పులు మొదలగు సమస్యలను నిర్మూలించే శక్తి ఉందని నమ్ముతారు. ఈ విధంగా సూర్యుని ప్రకాశమువలన భూగోళమంతా వాయు సమూహాలు తిరుగుతూ కాలుష్యాన్ని ఒకేచోట పేరుకుపోకుండా ఉంచుతాయి. ఒక శాస్త్రజ్ఞుడు వీటిలో కోటి అణ్వాస్త్రాల శక్తి ఉన్నదని చెప్పేడు.
ఈ శ్లోకంలో గాలికున్న పారిశుద్ధ్య శక్తి మనలోనూ ఉందని చెప్పక చెప్పబడినది. ఎవరు పరోపకారులై ఉంటారో వారు ఇతరులను తమ పారిశుద్ధ్య శక్తితో ప్రభావితం చేస్తారు. ఎవరైతే క్రోధము, భయము కలిగిస్తారో వారు కాలుష్యము లాంటి వారు. మనలో చాలామంది అహంకారమనే కాలుష్యముతో కూడి ఉన్నాము. ధ్యానం వలన మనల్ని పరిశుద్ధం చేసుకోవచ్చు. అనగా పగని ప్రేమగా, క్రోధాన్ని దయగా, భయాన్ని ధైర్యంగా మార్చుకోగలము. ఎవరైతే ఈ విధంగా అంతరంగంలో ధృఢంగా ఉంటారో, ఎటువంటి ప్రతికూల పరిస్థితులవలన ప్రభావితమవ్వరో వారిలో పారిశుద్ధ్య శక్తి ఉన్నట్టే.
శ్రీకృష్ణుడు జలంలో బ్రతికే జీవులలో తనను మొసలితో పోల్చుకున్నాడు. నేను మొసళ్ళను ఒక అక్వేరియంలో చూసేను. వాటి తోలును ఛేదించడం దుస్సాధ్యం. మన జీవితం సాఫీగా సాగాలంటే అటువంటి కవచాన్ని ధరించాలి. మనకు కలిగే ప్రతి సవాలు లోనూ పేరు ప్రతిష్ఠలకై ప్రాకులాడకూడదు. నా మిత్రుడొకడు సినిమాలలో అనేక పాత్రలను పోషించిన నటుడు. అతడు పేరు ప్రతిష్ఠలకై నటుడు కావాలనుకొన్నాడు. దానివలన భద్రత కలుగుతుందని నమ్మి మోసపోయేడు. భద్రత అనే కవచాన్ని మన అంతరంగంలో ధరించాలి. ఎప్పుడైతే పరిస్థితులు అతలాకుతలమవుతాయో అప్పుడు సహనాన్ని, ఓర్పును పాటిస్తే ఆ కావచాన్ని దృఢపరుచుకొని భద్రంగా ఉంటాము.
గంగానది రతి వలన విడుదలయ్యే జీవ శక్తికి ప్రతీక. రతిలో జీవిత రహస్యం దాగి ఉంది. ఒక ఆడ మగ జంట మధ్య ప్రేమ, విశ్వాసం పూర్తిగా ఉంటే, వారి రతి ఒక అందమైన ప్రక్రియ. ధ్యానం వలన మనము దానిని స్వాధీనంలో పెట్టుకొని, కనిపించిన దాని వెంట పడకుండా ఉంటాం. అప్పుడు రతి ఒక సృజనాత్మక శక్తి వలె మారి మనలో ఐకమత్యమును పెంపొందిస్తుంది.