Eknath Gita Chapter 2 Section 29

Bhagavat Gita

2.29

దూరేణ హ్యవరం కర్మ బుద్ధియోగా ద్ధనంజయ {2.49}

బుద్ధౌ శరణ మన్విచ్చ కృపణాః ఫల హేతవః

ధనంజయా బుద్ధియోగము కంటెను కామ్య కర్మలు నికృష్టములు గదా! కనుక నిష్కామకర్మమునే ఆశ్రయింపుము. ఫలమును గోరువారు దీనులు.

శ్రీకృష్ణుడు కర్మ ఫలము నాశించేవారు దీనులు అంటాడు. వాళ్ళకి మనశ్శాంతి లేక, ఆందోళనతో నిండి ఉంటారు. "నేను విజయం పొందుతానా? లేదా నాకు నిరాశ తప్పదా?" అని సందిగ్దంలో ఉంటారు. కొంత మంది తమ లక్ష్యాలను సాధించుకోడానికి తప్పు ద్రోవలు త్రొక్కుతారు. శ్రీకృష్ణుడు "మీరే కర్మ చేసినా, ఫలితాన్ని ఆశించ వద్దు. అది నా ధర్మం. నీవు మ౦చి మార్గాన్ని అనుసరించి, నిస్వార్థమైన లక్ష్యానికై నడుం బిగిస్తే, నీ కర్మ ఫలాన్ని ఇవ్వడం నా బాధ్యత" అని అర్జునునుద్దేశించి మనకు బోధిస్తున్నాడు.

ఫలాపేక్ష లేకుండా, నిస్వార్థంగా పనిచేస్తూ ఉండడం మిక్కిలి కష్టతరం. నేను నా ధ్యాన మందిరం ఎక్కడ స్థాపించాలా అని ఎంతో వ్యాకులత చెందేవాడిని. అప్రమేయంగా మంచి ఫలితాన్ని ఆశించి తిరిగేవాడిని. అప్పుడు నాకు తెలిసింది కర్మఫలాన్ని త్యజించి, సృష్టిలో ఏదీ నా సొత్తు కాదని ఎరిగి, నా వ్యాకులతను తగ్గించుకోవాలని. నేనీ రోజుల్లో క్రొత్త ధ్యాన మందిరం గురించి వెతుకుతే, అన్ని వసతులూ ఉన్నాయా లేదా అని మధన పడను. దేవుని మీద భారం వేసి నా ప్రయత్నం నేను చేస్తాను. భగవంతునికి మనకి ఏ సమయంలో, ఏ కర్మఫలాన్ని ఇవ్వాలో తెలుసు. ఈ విధంగా నిస్వార్థంగా పని చేస్తూ, ఫలితాలు భగవంతుని ఇచ్ఛ అనుకోవడమే పరిత్యజించడం. 101